五劃

代人（靈童）	冇性（姓）
冬前臘鴨	一只帶一只
出爐鐵	不打不成器
包尾大翻	壓軸好戲
半斤八両	兩相當
半夜食黃瓜	唔知頭共尾
古老石山	一景
四方木	踢一踢，轆一轆
外生狗	養唔熟
失匙夾萬	錢多唔到手（夾萬，俗稱指保險箱）
市橋蠟燭	假細心（芯）
打屎窟打邊爐	絶唔同味
打真軍	功夫過硬
打錯更	失預算
打齋鶴	度人升仙（誘向壞嗜好）
打爛齋鉢	一朝破戒
瓜甜蒂苦	物不兩全
瓦封領	包頂頸
瓦面藤菜	晚頭生勾勾，日頭死吊吊
瓦檐獅子	叻到吻（滿）
瓦罉煲飯	旁邊出氣
生仔姑娘醉酒佬	說怕不怕
生白果	腥夾悶
生骨大頭菜（蕪菁）	縱（種）壞
生蟲拐杖	靠唔住
生雞入，雞出	被剦（刮削）
生鏽刀	聽喝（粵俗稱磨刀為喝）
生螆貓	入眼
甩繩馬騮	抓佢唔到
白毛豬	家家有
白鼻哥陪考	聽丟架
白撞雨	讚（蘸）壞人
白鴿眼	附旺不附衰
白蟻蛀觀音	自身難保
白露水	冇益人
白蟮上沙灘	唔死一身潺（涎）
皮鞋筋	一扯就到
石地塘鐵掃把	硬鬥硬
石灰籮	到處留痕
石室鐘	大聲夾冇準
石屎樓	無叮（釘）無板（嘲唱曲不合節拍）
石獅子	大開口
禾杆穿針	難過眼
光棍佬教仔	見便宜莫貪
光棍遇着冇皮柴	滑鬥滑